କଲ୍ୟାଣସିଂହପୁର/କ୍ରାନ୍ତିକ୍ଷେତ୍ର ନ୍ୟୁଜ୍ (ପ୍ରଶାନ୍ତ ସେନାପତି) : ଭିଜିଲାନସ୍ ଜାଲରେ ରାୟଗଡ଼ା ଜନସ୍ବାସ୍ଥ୍ୟ ବିଭାଗ ଅଧିକ୍ଷଣ ଯନ୍ତ୍ରୀ, ଗାଡିରୁ ମିଳିଲା ଦେଢ଼ ଲକ୍ଷ ଟଙ୍କା, ଦୁଇଟି ସ୍ଥାନରେ ଚାଲିଛି ଭିଜିଲାନ୍ସ୍ ବିଭାଗ ଚଢ଼ାଉ। ଭିଜିଲାନ୍ସ ସ୍କାନରରେ ଅଛନ୍ତି ଆହୁରି ଅନେକ, ଦୁର୍ନୀତିଗ୍ରସ୍ତ କର୍ମଚାରୀ ଛାନିଆ ଦେଢ଼ ଲକ୍ଷ ଟଙ୍କା ଧରି ଗାଡ଼ିରେ ଯାଉଥିଲେ। ଧରିଲା ଭିଜିଲାନ୍ସ। ଜାଲରେ ପଡ଼ିଲେ ରାୟଗଡ଼ା ଜନସ୍ବାସ୍ଥ୍ୟ ବିଭାଗ ଅଧିକ୍ଷଣ ଯନ୍ତ୍ରୀ ସହଦେବ କିଶନ। ଦୁଇଟି ସ୍ଥାନରେ ଚାଲିଛି ଭିଜିଲାନ୍ସ ଚଢ଼ାଉ। ଦୁଇଟି ଟିମ୍ କରୁଛନ୍ତି ଚଢ଼ାଉ। ଭିଜିଲାନ୍ସର ସ୍କାନରରେ ଥିଲେ କିଶାନ। ବ୍ୟାପକ ଦୁର୍ନୀତି କରୁଥିବା ନେଇ ଭିଜିଲାନ୍ସ ନିକଟରେ ଥିଲା ଅଭିଯୋଗ। ରାୟଗଡାସ୍ଥିତ ଶିରିଗୁଡ଼ା ସ୍ଥିତ ବିଭାଗୀୟ କାର୍ଯ୍ୟାଳୟ ସମେତ ଆବାସିକ ଭବନ ରେ ଭିଜିଲାନ୍ସ ଟିମ ଯାଞ୍ଚ କରୁଛି। ଯାଞ୍ଚ ପରେ ଆୟ ବର୍ହିଭୁତ ସମ୍ପତ୍ତି ତାଲିକା ଜଣାପଡ଼ିବ ବୋଲି ଭିଜିଲାନ୍ସ ପକ୍ଷରୁ କୁହାଯାଇଛି। ହସ୍ତଗତ ତଥ୍ୟ ଅନୁଯାୟୀ ଜଣେ ଠିକାଦାରଙ୍କଠାରୁ ବିପୁଳ ଅବୈଧ ନଗଦ ସଂଗ୍ରହ ସମ୍ପର୍କରେ ବିଶ୍ୱସ୍ତ ସୂଚନା ଆଧାରରେ ସହଦେବ କିଷାନ, ଅଧୀକ୍ଷଣ ଯନ୍ତ୍ରୀ ପି.ଏଚ୍, ରାୟଗଡ଼ାଙ୍କୁ ରାୟଗଡ଼ାଠାରେ ଓଡ଼ିଶା ଭିଜିଲାନ୍ସର ଏକ ଦଳ ଦ୍ୱାରା ଅଟକାଯାଇଥିଲା। ସେ ତାଙ୍କ କାର୍ଯ୍ୟାଳୟରୁ ସରକାରୀ କ୍ୱାର୍ଟରକୁ ବେନାମୀ ନଗଦ ସହିତ ତାଙ୍କ କାର୍ଯ୍ୟାଳୟର ରେଜିଷ୍ଟ୍ରେସନ୍ ନଂ (OD-18N-7957) ଯୋଗେ ଯାଉଥିବା ସ୍କୋର୍ପିଓ ଗାଡ଼ିରେ ଅଟକାଯାଇଥିଲା। ଅଟକାଯିବା ସମୟରେ ଶ୍ରୀକିଷାନଙ୍କ ନିକଟରୁ ଅନୈତିକ ଭାବରେ ଅର୍ଜନ ହୋଇଥିବା ସନ୍ଦିଗ୍ଧ ଟଙ୍କା ୧,୫୦,୦୦୦/-ମିଳିଥିଲା। ସେ ସନ୍ତୋଷଜନକ ଭାବରେ ତାର ହିସାବ ଦେଇପାରି ନ ଥିବାରୁ ତାଙ୍କ ନିକଟରୁ ନଗଦ ଜବତ କରାଯାଇଥିଲା। ଅଧିକ ଯାଞ୍ଚ ପାଇଁ ରାୟଗଡ଼ାର ଶ୍ରୀକିଷାନ, ଏସ୍.ଇ. ସହିତ ଜଡିତ ୨ଟି ସ୍ଥାନରେ ତଲାସ କରାଯାଉଛି। ଅର୍ଥ ର ଉତ୍ସ ଜାଣିବା ପାଇଁ ତାଙ୍କୁ ଅଧିକ ଯାଞ୍ଚ କରାଯାଉଛି ବୋଲି ଭିଜିଲାନ୍ସ କହିଛି।
