ଭବାନୀପାଟଣା/କ୍ରାନ୍ତିକ୍ଷେତ୍ର ନ୍ୟୁଜ : ବ୍ଲକ ସ୍ଥାପନ ନେଇ ଜିଲ୍ଲାର ବିଭିନ୍ନ ସ୍ଥାନରେ ଦାବି ଜୋର୍ ଧରିଥିବା ବେଳେ ପାଷ୍ଟିକୁଡ଼ି ଗ୍ରାମ ପଞ୍ଚାୟତ ସହ ଚାରି ପାଖରେ ଥିବା ୧୩ଟି ଗ୍ରାମ ପଞ୍ଚାୟତକୁ ନେଇ ନୂତନ ବ୍ଲକ୍ ଘୋଷଣା ପାଇଁ ଯୁବ ନେତା ଅରବିନ୍ଦ ସାହୁଙ୍କ ନେତୃତ୍ବରେ ମୂଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ପୂର୍ବତନ ବ୍ଲକ ଚେୟାରମେନ ସ୍ବର୍ଗତ ଶେଷଦେବ ସାହୁଙ୍କ ନେତୃତ୍ୱରେ ୧୯୯୩ ମସିହାରୁ ପାଷ୍ଟିକୁଡ଼ି କୁ ବ୍ଲକ୍ ଘୋଷଣା ପାଇଁ ଅଞ୍ଚଳବାସୀ ଦାବି କରି ଆସୁଥିଲେ। କିନ୍ତୁ ସେହି ସମୟରେ ଓଡ଼ିଶାରେ ବ୍ଲକ ସମ୍ପ୍ରସାରଣ ହୋଇ ନଥିଲା। ବର୍ତ୍ତମାନ ନୂତନ ବ୍ଲକ ଘୋଷଣା ହେବା ସୂଚନା ଆସୁଥିବାରୁ ପାଷ୍ଟିକୁଡ଼ି କୁ ବ୍ଲକ ମାନ୍ୟତା ଦାବି ଜୋର୍ ଧରିଛି। ପାଷ୍ଟିକୁଡ଼ି କୁ ବ୍ଲକ୍ ମାନ୍ୟତା ପାଇଁ ସଦର ବ୍ଲକ୍ ର ଥୁଆପଦର କର୍ଲାଗୁଡା ପାଳସିଝରଣ ଚହଗାଁ କେସିଙ୍ଗା ବ୍ଲକ ଅନ୍ତର୍ଗତ ପାଷ୍ଟିକୁଡ଼ି ଅଧମୁଣ୍ଡା ଫଟକାମାଲ ନାସିଗାଁ ଚାଞ୍ଚେର ଗୋକୁଲସର ଦେଗାଁ ଦାଦପୁର ର ସମସ୍ତ ସରପଞ୍ଚ ଦୁଇ ଜିଲ୍ଲା ପରିଷଦ ସଦସ୍ୟ ଦୁଇ ପୂର୍ବ ବ୍ଲକ୍ ଚେୟାରମେନ ସମେତ ଶତାଧିକ ଅଞ୍ଚଳବାସୀ ପ୍ରଶଂସା କରିବା ସହିତ ସାହାଯ୍ୟ କରିଥିଲେ। ସନ୍ତୋଷ ରଣା ସୁରେନ୍ଦ୍ର ବେମାଲ ଜ୍ଞାନେନ୍ଦ୍ର ମେହେର ଉପେନ୍ଦ୍ର ମେହେର ହିମାଂଶୁ ଗଉଡ ଦୀପକ ଦାସ ଜିତେନ୍ଦ୍ର ରଣା ବିଷ୍ଣୁ ସାହୁ କିଶନ ସାହୁ ମନୁ ରଣା ଆଦିତ୍ୟ ବାରିକ ନିଖିଲ ସାହୁ ଓ ଅଞ୍ଚଳ ର ଅନେକ ବୁଦ୍ଧିଜୀବୀ ସହଯୋଗ କରିଥିଲେ। ଜିଲ୍ଲା ପ୍ରଶାସନ ଙ୍କ ଚିଠି ନମ୍ବର ୫୦୭ ତା ୩୧ ମାର୍ଚ୍ଚ ୨୦୨୫ ଅନୁଯାୟୀ ବ୍ଲକ ଗଠନ ପ୍ରକ୍ରିୟା ଆରମ୍ଭ ସମୟରେ ବିଚାର କୁ ନିଆଯିବ ବୋଲି ଜଣାଇଛନ୍ତି।
