ଧର୍ମଗଡ/କ୍ରାନ୍ତିକ୍ଷେତ୍ର ନ୍ୟୁଜ : ବିଶ୍ଵ ପରିବେଶ ଦିବସ ଅବସରରେ ମା’ ଡୁମେର୍ ମୁଡେନ୍ ଯୁବକ ସଂଘ, କାଙ୍କେରୀ ତରଫରୁ ଏକ ବୃକ୍ଷ ରୋପଣ କାର୍ଯ୍ୟକ୍ରମ ଆୟୋଜନ କରାଯାଇଛି। ସଂଘର ସଭାପତି ମହେଶ୍ବର ସୁନାନୀଙ୍କ ପରିଚାଳନାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମରେ ଉପସଭାପତି ଛବିଲାଲ ଜଗତଙ୍କ ସହ ବରିଷ୍ଠ କାର୍ଯ୍ୟକର୍ତ୍ତା ସୁଧୀର ଜଗତ, ଉପେନ୍ଦ୍ର ଜଗତ ଓ ବହୁ ସଂଘ ସଦସ୍ୟ ଯୁବକମାନେ ଉପସ୍ଥିତ ରହି ସ୍ୱେଚ୍ଛାରେ ସହଯୋଗ କରିଥିଲେ। ସେମାନେ ଗଛ ଲାଗାଇ ପରିବେଶ ସୁରକ୍ଷା ପାଇଁ ଏକ ଦୃଢ଼ ସଂଦେଶ ଦେଇଛନ୍ତି। ସଂଘ ପକ୍ଷରୁ ଆଗାମୀ ଦିନରେ କାଙ୍କେରୀର ମେନ୍ ରୋଡ ଓ ଡଙ୍ଗର ଅଞ୍ଚଳଗୁଡ଼ିକରେ ମଧ୍ୟ ବୃକ୍ଷ ରୋପଣ କରି ଗାଁକୁ ସବୁଜ ଓ ସୁନ୍ଦର କରିବା ପାଇଁ ଆହ୍ୱାନ ଦିଆଯାଇଛି। ସଂଘର ଏହି ପଦକ୍ଷେପ ପ୍ରଶଂସନୀୟ ଓ ଅନୁକରଣୀୟ ବୋଲି ଅନେକେ କହିଛନ୍ତି।
