ଜୁନାଗଡ଼/କ୍ରାନ୍ତିକ୍ଷେତ୍ର ନ୍ୟୁଜ୍ : ଜୁନାଗଡ ସ୍ଥିତ କଳା ବିକାଶ କେନ୍ଦ୍ରରେ ଆଜି ଗ୍ରୀଷ୍ମ ଉତ୍ସବ-୨୦୨୫ ଉଦଯାପିତ ହୋଇଛି। ଗ୍ରୀଷ୍ମ ଅବକାଶ ଅବସରରେ ଗତ ୧ ମୋ ଠାରୁ ୧୭ ମଜ ପର୍ଯ୍ୟନ୍ତ ଏଠାରେ ଛାତ୍ରଛାତ୍ରୀ ମାନଙ୍କୁ ଚିତ୍ରାଙ୍କନ, ନୃତ୍ୟ ଓ ତାଇକୋଣ୍ଡୋରେ ଶିକ୍ଷା କ୍ରମାଗତ ଭାବରେ ପ୍ରଧାନ କରାଯାଇଥିଲା। ପିଲାମାନଙ୍କର ଶାରୀରିକ ବିକାଶ, ବୌଦ୍ଧିକ ଓ ମାନସିକ ବିକାଶ ବୃଦ୍ଧିରେ ଏହି ତାଲିମ ସହାୟକ ହେବ। ଆଜି ପୂର୍ବାହ୍ନ ୯ ସମୟରେ କର୍ମଶାଳାର ଉଦଯାପନୀ ଦିବସ କଳା ବିକାଶ କେନ୍ଦ୍ରଠାରେ ଆରମ୍ଭ ହୋଇଥିଲା। ଆଜିର ଏହି ଉଦଯାପନୀ ଦିବସରେ ମୁଖ୍ୟ ଅତିଥି ଭାବେ ବ୍ଲକ ସୋସିଆଲ ସେକ୍ୟୁରିଟି ଅଫିସର ତୁଷାର ରଞ୍ଜନ ସାହୁ ଉପସ୍ଥିତ ହୋଇଥବା ବେଳେ ସମ୍ମାନିତ ଅତିଥି ଭାବେ ଏକ୍ସ ଆର୍ମୀ ପ୍ରବୀର କୁମାର ସାହୁ, ଜୁନାଗଡ ମାନବ ସେବା ସଂସ୍ଥା ସଭାପତି ଦିଲୀପ ପଣ୍ଡା, ମୁକୁନ୍ଦ ରେଡ୍ଡୀ, ପ୍ରଶାନ୍ତ ପ୍ରଧାନ ପ୍ରମୁଖ ମଞ୍ଚାସୀନ ଥିଲେ। କଳା ବିକାଶ କେନ୍ଦ୍ର ନିର୍ଦ୍ଦେଶକ ମାନସ ରଞ୍ଜନ ସେଠୀ ସଭା ସଂଯୋଜନା କରିଥିଲେ। ଉଦଯାପନୀ ଉତ୍ସବରେ ଛାତ୍ରଛାତ୍ରୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ସମସ୍ତ ଛାତ୍ରଛାତ୍ରୀମାନଙ୍କୁ ଗ୍ରୀଷ୍ମ ଉତ୍ସବ ଅବସରରେ ଅତିଥି ମାନଙ୍କ ଦ୍ଵାରା ପୁରସ୍କାର ବିତରଣ କରାଯାଇଥିଲା। ରଶ୍ମି ରଞ୍ଜନ ନାୟକ ଓ ଡିଙ୍ଗର ନାଏକ ମଞ୍ଚ ପରିଚାଳନା କରିଥିବାବେଳେ କଳାବିକାଶ କେନ୍ଦ୍ରର ପ୍ରଶିକ୍ଷକ ମୁକୁନ୍ଦ ରେଡ୍ଡୀ, ଡି.ବଳରାମ, ଯୋଗିନ୍ଦ୍ର ପଟ୍ଟନାଏକ, ମାନସ ରଞ୍ଜନ ପଣ୍ଡା, ପ୍ରିୟଙ୍କା ପ୍ରଧାନ ଓ ରିଙ୍କି ନାଏକ କାର୍ଯ୍ୟକ୍ରମ ପରିଚାଳନରେ ସହଯୋଗ କରିଥିଲେ । ଏହି କାର୍ଯ୍ୟକ୍ରମ ଦୌରାନ୍ତରେ ଏକ ଗୁରୁତ୍ୱପୂର୍ଣ୍ଣ ଘୋଷଣା ମଧ୍ୟ କରାଯାଇଥିଲା ଏହି କେନ୍ଦ୍ରର ପୂର୍ବତନ ଛାତ୍ରୀ ଓ ବର୍ତ୍ତମାନ ଶିକ୍ଷାଦାନ କରୁଥିବା ଶିକ୍ଷୟିତ୍ରୀଙ୍କ ମାଧ୍ୟମରେ ଭବାନୀପାଟଣାରେ ଏକ ନୂଆ ଶାଖା ‘ଅଭିନୟ ଫାଉଣ୍ଡେସନ’ ଖୋଲିବା ଘୋଷଣା କରାଯାଇଥିଲା।
