କଣ୍ଟାମାଳ/କ୍ରାନ୍ତିକ୍ଷେତ୍ର (ମନଧର କର୍ମୀ) : କୃଷି ଭିତ୍ତିକ ଗଣପର୍ବ ନୂଆଁଖାଇ ଅବସରରେ କଣ୍ଟାମାଳ ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ମହିଧର ରଣାଙ୍କ ବାସଭବନରେ ଗତକାଲି ଅପୂର୍ବ ନୂଆଁଖାଇ ଭେଟଘାଟର ଦୃଶ୍ୟ ଦେଖିବାକୁ ମିଳିଥିଲା। ନୂଆଁଖାଇ ଭଳି ଭାଇଚାରା, ସ୍ନେହ ଓ ସମ୍ପର୍କର ପର୍ବରେ ବିଭିନ୍ନ ଅଞ୍ଚଳରୁ ଲୋକେ ଶ୍ରୀ ରଣାଙ୍କ ବାସଭବନକୁ ପହଞ୍ଚି ପରସ୍ପର ମଧ୍ୟରେ ନୂଆଁଖାଇ ଜୁହାର ଓ ଶୁଭେଚ୍ଛା ବିନିମୟ କରିଥିଲେ। ଏହି ଅବସରରେ ରଣାଙ୍କୁ ଭେଟିବା ପାଇଁ ତାଙ୍କ ସମର୍ଥକ, ଶୁଭେଚ୍ଛୁ, ବନ୍ଧୁ, ପରିଚିତ ଓ ବିଭିନ୍ନ ବର୍ଗର ଲୋକଙ୍କ ଆଗମନ ଲାଗି ରହିଥିଲା। ବିଶେଷକରି ଗତ ତିନି-ଚାରି ଦିନ ଧରି ତାଙ୍କ ବାସଭବନରେ ଲୋକଙ୍କ ଅସଂଖ୍ୟ ଗହଳି ଜମିଥିବା ଦେଖିବାକୁ ମିଳିଥିଲା। ନୂଆଁଖାଇ ଭେଟଘାଟ କେବଳ ଏକ ପର୍ବ ପାଳନରେ ସୀମିତ ନ ରହି ଲୋକଙ୍କ ମଧ୍ୟରେ ଥିବା ଆତ୍ମୀୟତା, ସ୍ନେହ ଓ ସାମାଜିକ ସମ୍ପର୍କକୁ ଆହୁରି ମଜବୁତ କରିଥିବା ଦେଖାଯାଇଥିଲା। ରଣାଙ୍କ ବାସଭବନରେ ଏହି ଭେଟଘାଟ ସମୟରେ ଆସିଥିବା ଲୋକଙ୍କ ସହ ସେ ଆତ୍ମୀୟତାର ସହିତ ମିଶିବା ସହ ନୂଆଁଖାଇର ଶୁଭେଚ୍ଛା ବିନିମୟ କରିଥିଲେ। ଫଳରେ ତାଙ୍କ ବାସଭବନର ପରିବେଶ ଉତ୍ସବମୁଖର ହୋଇଉଠିଥିଲା। କଣ୍ଟାମାଳ ଅଞ୍ଚଳରେ ରଣାଙ୍କ ସହ ଲୋକଙ୍କ ଦୀର୍ଘଦିନର ସମ୍ପର୍କ ଓ ଆତ୍ମୀୟତା ଥିବାରୁ ନୂଆଁଖାଇ ଅବସରରେ ତାଙ୍କୁ ଭେଟିବା ପାଇଁ ଲୋକଙ୍କ ମଧ୍ୟରେ ଉତ୍ସାହ ଦେଖାଯାଇଥିବା କୁହାଯାଉଛି। ପଶ୍ଚିମ ଓଡ଼ିଶାରେ ନୂଆଁଖାଇ ଏକ ଗଣପର୍ବ ଭାବେ ପାଳିତ ହେଉଥିବା ବେଳେ ଏହି ପର୍ବରେ ପୁରୁଣା ମନୋମାଳିନ୍ୟ ଭୁଲି ପରସ୍ପରକୁ ଜୁହାର କରିବା, ବଡ଼ମାନଙ୍କ ଆଶୀର୍ବାଦ ନେବା ଓ ସାନମାନଙ୍କୁ ସ୍ନେହ ଦେବାର ପରମ୍ପରା ରହିଛି। ରଣାଙ୍କ ବାସଭବନରେ ଆୟୋଜିତ ଏହି ନୂଆଁଖାଇ ଭେଟଘାଟରେ ମଧ୍ୟ ଏହି ପରମ୍ପରାର ସୁନ୍ଦର ଝଲକ ଦେଖିବାକୁ ମିଳିଥିଲା। ନୂଆଁଖାଇର ଭେଟଘାଟ ମାଧ୍ୟମରେ ଅଞ୍ଚଳବାସୀଙ୍କ ମଧ୍ୟରେ ଭାଇଚାରା, ସାମାଜିକ ଏକତା ଓ ଆତ୍ମୀୟତାର ବାର୍ତ୍ତା ଆହୁରି ଦୃଢ଼ ହୋଇଥିବା ଦେଖାଯାଇଥିଲା। ଏହି ଅବସରରେ ରଣାଙ୍କ ବାସଭବନରେ ଲୋକଙ୍କ ଭିଡ଼ ଓ ଉତ୍ସାହ ନୂଆଁଖାଇ ପର୍ବର ସାମାଜିକ ମହତ୍ତ୍ୱକୁ ପୁଣିଥରେ ପ୍ରତିଫଳିତ କରିଥିଲା।
ବ୍ରେକିଂ ଖବର